ДАЛАНЗАДГАД СУМЫН БОРООНЫ УСНЫ ЧАНАРЫН СУДАЛГАА

Байгалийн усны тэжээлэлтийн үндсэн эх булгийн нэг болох хур борооны ус нь хүрээлэн буй орчин дахь химийн бодисын эргэлтэд чухал үүрэг гүйцэтгэдэг бөгөөд усан болон экосистемд шим тэжээлийн эх үүсвэрийг бий болгодог. Хур тунадас нь агаар мандлын орчинд уусдаг хий (ихэвчлэн хүчиллэг бодис) болон тоосонцрын анхдагч шингээгч юм. Үүл доторх болон доорх процессууд нь агаар мандлын бохирдуулагчийг ихээхэн хэмжээгээр зайлуулж, борооны усны рН болон химийн бүрэлдэхүүн хэсгүүдийг цаашид өөрчлөх боломжтой. Иймээс борооны усны найрлага нь агаарын чанарын талаарх мэдээллийг өгч, агаар мандлын бохирдуулагчийн эх үүсвэрийг тодорхойлох боломжийг олгодог.