ХӨВСГӨЛ АЙМГИЙН РЭНЧИНЛХҮМБЭ СУМЫН ДАРХАТЫН ХОТГОРЫН ЦОЙЦОН НУУР

Уур амьсгалын өөрчлөлтөөс шалтгаалан мөнх цэвдэг, мөсөн голууд хайлж, олон арван нуур, гол, горхи ширгэж байна. Нуур, гол, горхи ширгэх, доройтох асуудал нь нэг талаасаа экосистемийн хүчин зүйл, дэлхийн дулааралтай холбоотой бол нөгөө талаасаа орчины доройтол, ашиглалт, байгалийн хүчин зүйлтэй холбоотой юм. Иймээс нуур ширгэх, доройтох үйл явцыг байгалийн элемент тус бүрээр судалж нуур ширгэх, багасаж буй шалтгааны шинжлэх ухааны үндэслэлтэй олон хүчин зүйлээс хамааруулан зөв тогтоох нь нуурын экосиситемийг хамгаалах үндэс болно. Энэхүү судалгааны ажлаар Хөвсгөл аймгийн Ренчинлхүмбэ сумын нутагт орших ширгэж бага хэмжээний тойром үлдсэн Цойцон нуур орчмын экосистем болон нуурыг дахин сэргээх боломжтой эсэхийг судалсан.